Yaraşıqlı Göyçayım

Şirvanın gözüdür bu gözəl məkan -
Suyu şəfalıdır, havası dərman,
Baxsan bağ-bağçadır bu yerdə hər yan.

Yaşıldır çinarları,
Dadlıdır şirin narı,
Çox sevir dostu-yarı,
Yaraşıqlı Göyçayım.

Heyvası, alması, badamı incə,
Nazlı gözəllərin dodağı qönçə,
Hər fəsli qanaddır qəlbə, sevincə.

Sarmaşıq tənəklər qovaqlardadır,
Şöhrəti yaxında, uzaqlardadır,
Nəğməsi nəğməli dodaqlardadır.

Yaşıldır çinarları,
Dadlıdır şirin narı,
Çox sevir dostu-yarı,
Yaraşıqlı Göyçayım.